ཆོལ་ཀ་གསུམ་གྱི་སྤུན་ཟླ།

༈ ཆོལ་ཁ་གསུམ་གྱི་སྤུན་ཟླ།       རྩོམ་པ་པོ། ཁ་སྒང་བསམ་གཏན་རྒྱ་མཚོ།
ཆོལ་ཁ་གསུམ་གྱི་སྤུན་ཟླ།།
འཁྲུངས་སའི་ཡུལ་གྲུ་གཅིག་རེད།།
འཚོ་བའི་གཞི་རྟེན་གཅིག་རེད།།
ཡུལ་དང་གོམས་སྲོལ་གཅིག་རེད།།
ང་ཚོ་ཚང་མ་སྤུན་རེད།།
ཆོལ་ཁ་གསུམ་གྱི་སྤུན་ཟླ།།
དྲིན་ཅན་ཕ་མ་གཅིག་རེད།།
ཤ་ཁྲག་རུས་པ་གཅིག་རེད།།
སྐད་དང་ཡི་གེ་གཅིག་རེད།།
ང་ཚོ་ཚང་མ་སྤུན་རེད།།

ཆོལ་ཁ་གསུམ་གྱི་སྤུན་ཟླ།།
རྩ་བའི་བླ་མ་གཅིག་རེད།།
ཆོས་དང་གྲུབ་མཐའ་གཅིག་རེད།།
བྱམས་དངསྙིང་རྗེ་གཅིག་རེད།།
ང་ཚོ་ཚང་མ་སྤུན་རེད།།

ཆོལ་ཁ་གསུམ་གྱི་སྤུན་ཟླ།།
བཙན་པོའི་གདུང་རྒྱུད་གཅིག་རེད།།
དཔའ་སྐད་སྙིང་སྟོབས་གཅིག་རེད།།
ལོ་རྒྱུས་ཟིན་ཐོ་གཅིག་རེད།།
ང་ཚོ་ཚང་མ་སྤུན་རེད།།